根據世界衛生組織(World Health Organisation,WHO)既資料顯示,第二型糖尿病既全球發病率持續上升,而呢個病普遍受年齡同身型影響;所以,我哋平日食既食物,同我哋患上糖尿病既機率有着密切關係。適逢今日係世界衛生日,以下就為大家介紹五個日常飲食最健康既地方,大家不妨參考吓。

1. 地中海

地中海人既飲食,向來都喺世界各地最健康飲食之一,咁係因為佢哋既主要食材,包括新鮮水果、蔬菜,全麥穀物、堅果、紅酒、魚、奶製品等等,當地人既體內脂肪,好多時只來自橄欖油,而特級初榨橄欖油仲會增加好既膽固醇,有助保護心臟。好多研究都強調,呢種看似神奇既食物組合,對我哋身體都有益,可以減低患上慢性心臟疾病、中風、二型糖尿病同老年癡呆症等等既疾病。

2. 日本

日本人既壽命是世界上最長之一,咁同佢地平日既飲習慣好有關。最近一項研究就指,日本菜講究各類食物既比例,當中含有豐富碳水化合物、蔬菜、水果,同時亦有魚類、肉類,整個配搭好均衡,日本人仲會飲茶代替其他加工飲品。就連日本政府,早喺2005年已經頒下美食指南,鼓勵民眾減少進食含有飽和脂肪,加工食物,多食含有豐富碳水化合物既食物,例如米飯,或者蔬菜;研究人員仲發現,跟隨飲食指南進食既人,死亡率會低15%,

3. 北歐

講起北歐,你可能會即刻諗起黑麥麵包、油魚,仲有水果、蔬菜、牛奶同芝士,呢啲其實都係瑞典、丹麥、挪威、芬蘭同冰島北歐國家既人既主食。美國一份臨床營養學雜誌近日發表一份研究,指呢啲食物有極多好處,佢可以減低患上炎症、慢性疾病、結腸癌既風險。研究仲提到,北歐飲食當中因為有豐富既魚類同根莖類、色彩鮮豔既蔬菜,除咗有高纖維同低糖之外,入面仲含有豐富既胡蘿蔔素同抗氧化劑。

4. 西非

劍橋大學(University of Cambridge)研究人員日前發表一份研究,指非洲部分城市,包括馬里、乍得、塞內加爾、塞拉利昂既飲食,比起出名飲食健康既日本更勝一籌,咁係因為佢地既食物含有水果、蔬菜、全穀類、魚同高纖維Omega3。喺西非既16個國家當中,佢地既飲食都有好大差異,包括大米、乾燻魚,山藥,佢地既飲食中含有豐富既穀類、肉類同蔬菜,大大減少咗西方國家最常食用既加工食品,有效減少人體吸收熱量同患糖尿病既機率。

5. 法國

講起法國飲飲食,你可能都會諗到佢哋既飲食同大部分英國、美國既飲食無大分別,都有芝士、麵包同葡萄酒,但因為法國人喺份量上比較少,整體既消耗量少啲。所以,食材相似,但喺份量上既控制都十分重要,碟中仲有其他食物平衡,包括大量新鮮水果蔬菜,穀物、豆類等;至於飲品方面,佢地就會揀水或茶。