【食譜】藍帶豬扒

我上星期扭傷腰，有一日直頭動彈不得，除了攤床就無其他活動。

到星期日我稍為好啲又手痕，於是就晌雪櫃摷下野玩，整了呢個藍帶豬扒。

其實之前整過但唔成功，因為要片開塊豬扒其實唔容易。

不過……我就用最易既方法，用兩片薄豬扒合體，就做成這個了！

世間有些食物一定會想整，但整完又唔認為有下一次，這個屬於這類型—佢唔會唔好食又唔會令我覺得好鍾意……咁囉；

等於LV好襟用但唔會想再買、湊仔好開心但唔會想生多個etc。

我條腰未好得晒，唔能夠坐太耐，係咁先。

材料：

薄豬扒   4件

火腿        1片

芝士        2片

麵粉       半碗

蛋            1隻

麵包糠         半碗

做法：

1. 將豬扒剁鬆，然後用少許鹽、胡椒去醃。

2. 火腿及芝士剪成細豬扒少少既大細。

3. 一片豬扒放底，然後放入火腿、芝士片，面層再放一片豬扒。

4. 將豬扒成件沾上麵粉、再沾蛋液最後沾上麵包糠。

5. 最後炸成金黃色便成。

*如果怕炸過火但又唔熟，可以先炸豬扒至上色，再放入180度焗爐焗10分鐘。