九州遊記：Day 1

一直想帶包包去日本，我最想去大阪，但身邊好多朋友都話有幅射。

於是我就左想右想試下去九州。

想自駕遊但又唔想去太多太遠地方，想有半日留比包包玩、半日大人行下街。

睇旅遊書，福岡市內其實好方便，加上朋友教搭100yen巴士可以去埋天神、麵包超人館等等地方。

去熊本搭新幹線半個鐘就到快過駕車，所以就試下唔自駕，行程比較輕鬆既。

我本身好怕一日走幾個地方，而且帶小朋友都想佢舒服d。

今次去都幾凍，每日10度以下，包包第3晚有少少發燒，幸好，半夜就退了。

一去到就搭的士去博多，一家大細有3個行李篋、BB車跟本搭的士最方便。

重點係……好平！

1420yen就去到酒店，回程仲平—1320yen。

的士司機好有禮貌又好好人！

今次住呢間酒店 JR Blossom Fukuoka hotel，其實我無頭緒住邊間，只係問朋友佢介紹呢間。

博多有兩間 Blossom，兩間都方便。

我住呢間係博多JR站東口 (紫筑口)，過一條大馬路，然後直行就到，佢隔離有便利店又有藥妝店。

其實博多出口都有好幾間酒店，大家可以做下research。

日本酒店房一般唔太大，但佢張床夠3個人睡有餘，如果同行小朋友1歲以下會安排有BB床。

房間洗手間都夠大唔會似東京既咁細。

仲有放行李匣既位置，所以都夠3個人。

但千其唔好訂埋早餐，原本我打算方便個仔所以訂埋早餐，但早餐無野適合佢食。

出去食就算買麵包好過，除了第一日，我無再落過去食早餐。

之後第一時間去行下附近。

呢個 JR city連埋AMU plaza都幾多野睇，裡面仲有 Tokyu hand；

加上d 衫都幾靚，又有餐廳，地下連住阪急有超市，可以消磨一晚。

個廣場有叮噹啊！

博多站入面有24小時拉麵街，裡面有唔同既拉麵店。

趁包包睡了，就陪大少爺食拉麵，因為佢好喜歡食拉麵的。

唔同店鋪。

佢揀了間試，都唔錯的。

之後就行街，無買嘢，因為睇定d先。

最後行到咁上下就食晚餐。

我食壽司，包包同daddy過隔離食熟食。

以前大少爺會陪我夾硬食佢唔喜歡既魚生，但今次我由得佢同包包自己食。

9款 omakase 壽司 set。

質素都幾好，裡面除了基本既壽司，師父仲會做d特別既口味。

例如魷魚配上柚子鹽非常好味的。

這個既底部有壽司飯的，好鮮味！

每款都唔錯，又夠新鮮。

會合兩父子再一齊去Kyo-Hayashiya食雪糕。

Green tea latte都唔錯。

再落樓下買包包最愛的士多啤梨。

又甜又大粒～