【食譜】甜到入心：「蕉蕉想你」香蕉雪糕煎餅

今日呢個蕉蕉堅好味，佢係香蕉做既鬆餅，食既時候配雪糕簡直又再初戀一樣。

煎好後佢表面微微焦脆加上香蕉味，再卷多條蕉真係蕉到不得了。

做法簡單但煎時要有d技巧，最好做厚少少，否則會易穿。

不過放心，即使做厚少少仍然好軟熟。

份量：2件

材料：

香蕉    半隻

鮮奶   45ml

麵粉    30g

糖   　2茶匙

蛋    　半隻

做法：

1. 將香蕉加奶打勻成香蕉奶

2. 加蛋、加糖、加麵粉撈勻然後過篩一次

3. 鑊加少許牛油，燒熱鑊後就倒入粉漿；然後中火烘至邊位轉色後就可以反轉再煎

（*我個做法係邊位轉金黃色，熄火略為放涼先反另一邊去煎）

4. 煎好後卷一香蕉，配雪糕食