一講起Sony Xperia，大家一定會聯想到手機同平板電腦。不過後上星期IFA柏林電子消費展，Sony就推出一樣令大家驚喜嘅新產品：Xperia Bike電動單車。

Xperia Bike本身，唔單止有電動摩打做輔助之外。車架上面重有一個內置喇叭嘅手機架，可以畀用家將手機夾係上面，然後用Apps將電動摩打剩餘電量、已行走距離、目前速度顯示出來。而車身前後，仲設有廣角魚眼鏡頭，方便用家可以記錄低出車時路面情況，有咩事都可以睇帶知道發生咩事。
 

可惜Xperia Bike個idea雖然係好，但係香港呢個「只禁城」（即係乜都只係識得禁嘅城市），有個電動摩打係身就已經過唔到運輸處同機電工程處，就算買到返來都係得過擺字。