醉易

呢幾日唔見我，真係好忙。

一來忙過年，二來又要忙過年前做好晒所有job，三來忙煩惱個仔食飯。

呢幾日佢又變回絕食，每餐用隻叉撩幾撩又開始lur、又指手劃腳又擰頭擰髻。

我覺得自己容忍力開始下降，望親佢食譜都唔開心。

佢又越來越瘦，但無辦法……我已經好盡力去煮比佢食。佢望下一啖都唔食就擰頭，唉。不過……我點都要寫食譜，今次係醉雞。

成日見人整，但我來身個人幾抗拒雞扒，整出來又幾好食。

加上過年雖然凍，但整定d冷盤小食其實方便自己招呼人的。

呢個只需要一枝糟滷(香糟露)、雞扒、杞子就攪掂呢。

雞扒先用煮食既白棉繩卷起。然後放入薑蔥水中煮，大火煮起蓋上煲蓋轉小火慢煮15分鐘。

然後放入糟露汁中，加些杞子，雪一晚便完成。

拆繩切件就得喇，哼。