上環抵食誠意小店

之前去開上環，順便相約一位同是在上環番工的朋友食lunch。該朋友一向對飲飲食食有要求，加上他是上環地頭蟲，遂打算由他揸主意去那裏用膳。由他帶領行到蘇杭街，去到一間棗紅色門面的食店，裝潢都幾新潮，而看看門口的每日精選餐牌，感覺應是一間幾有誠意的小店。

入到店裡面，想不到和門面的裝潢有點反差，沒有了門面的潮味，卻多了一點舊式快餐店的平實。我和朋友分别叫了燴獵人雞球及蒜香汁牛扒試一下，套餐當然還包括了餐湯和飲品。

西芹火腿忌廉湯，很多時在快餐店飲忌廉湯，最怕飲到那些一舊舊未煮溶或煮得乾固了的奶塊，感覺好似食咗D唔應該食落肚嘅物體咁，不能接受。而這裡的忌廉湯完全沒有這問題，湯底做得十分幼滑，當中還加入甘筍西芹及火腿碎粒，增加口感，完全有餐廳的水準！

燴獵人雞球配白飯，聽個名已經夠吸引，上到枱更有點surprise，份量十足，足有6-8塊大大件的雞球，先炸後燴，做得外香内滑，配埋有點點甜味香草味的黑椒醬汁，味道不太濃剛剛好，而伴碟的甘筍青豆配菜，青翠得嚟帶著淡淡牛油香，做得一點也不馬虎，誠意可嘉。

蒜香汁牛扒配白飯，以午餐來説，份量真的抵食夾大件，兩塊大牛扒每塊都大過手掌，雖則是薄牛扒，但份量仍是十足。牛扒肉味OK肉質鬆軟，沒有一般茶餐廳牛扒的鬆肉粉味，配埋濃香蒜蓉汁，開胃惹味，白飯都可食多碗。

整頓飯質素唔錯，以$50左右的價錢真算扺食，CP值高，加$2仲有即磨咖啡；雖然座位有點擠迫，但尚可接受，加上侍應招呼態度親民，確是一間有誠意的小店，朋友果然冇介紹錯。