由於「銅鑼灣書店5人」相繼「被失蹤」，持有英國護照的李波，獲英國政府出面維護，更緊急要求香港與中國當局，協助探查李波的下落：因此，不少港人有意續領英國國民(海外)護照(BNO)，以備不時之需。在這個熱潮下，政府新聞處facebook昨晚(6日)發帖，力撐香港特區護照的優點，又指護照持有人可獲152個國家或地區的免簽證待遇。怎料，這個文帖卻掀起繼「名繫啟德坊行人專用街道命名比賽」後，另一場公關災難。

大批網民留言，趁機發表他們對「李波疑在香港被內地執法人員帶返內地一事」、「吳亮星嫖妓論」，以及「葉劉淑儀的港人可不提供文件和不經出入境管制站往返大陸言論」的感受，瘋狂「抽水」：
「用自己方式出境，既方便又快捷，護照申請費都慳返！」

「駛乜吖，用自己方法，班架洗頭艇，世界通行，簡直如入無人之境！」

「出境要護照咩？用自己方法咪得lor...多餘。」

「去長洲坐洗頭艇咪得囉！邊度都去到，既方便又快捷，簽乜鬼嘢證？政府可唔可以加快計劃係長洲興建香港國際洗頭艇碼頭，打造香港成為國際洗頭艇樞紐，提高香港嘅物流實力，避免香港被邊緣化？」

「係『首先你係中國公民』的邏輯下，你持有咩護照都無用！點解要破壞一國兩制？大家睇政府新聞網的留言完全可以感受現屆政府做咩都無用。補充一句，鬥咩氣唧，個個研究緊BNO你整個攞景Post出嚟托炮咩！！」

「有BNO俾人被報平安可能會有人同你出頭出聲，有特區護照有衫長褲短會『被叫雞』！」

「我哋一人一本禁書在手就可以『來回地獄又折返人間』啦！」

「出境使簽証嫁咩？只要拎住啲禁書，自然有公安帶你走嫁啦，成本仲平過買機票又可以唔使比機場建設費起果條只落唔上既3跑，而且又有免費電話打番屋企，簡直正啦，不過唯一唔好既地方係你會冇曬啲自由同要兜一兜中國囉！」

「作為一個普通嘅香港人，一定識去坐洗頭艇出境，咁有冇護照都一樣啦！」

亦有人批評政府「篤數」，又指即使可以獲152個國家或地區的免簽證待遇，也未必如幻想般理想—「152 個國家首先就踢爆你係篤數，例如安道爾 Andorra 全地球都免簽證，因為佢地只有陸路可以進入，分別係西班牙同法國，你要能夠入得到西班牙同法國，才可以入安道爾，因此佢地根本唔check護照，而無恥的香港特區政府就老作『成功爭取』係『免簽證』。」

▼政府新聞處facebook昨晚發帖，力撐香港特區護照的優點。

資料來源：政府新聞處