【旺角】LINE FRIENDS 大匯集：Party on the Desk~

朗豪坊每次有大型佈置都總係唔會令人失望，次次都係靚到嘩嘩聲，基本上我絕大份都有嚟影，緊係啦...…因為我係影相控嘛！

今次佢地帶左成班LINE FRIENDS同我地齊齊過聖誕，我仲有機會可以去集郵，當然係十級興奮啦~

FACEBOOK睇到啲介紹圖片時，都已經覺得好靚(可能我本身都係鐘意CONY同BROWN啦)。今日一踏入場就不由自主咁「嘩」左一聲，因為真係好靚呀~

當然依個 「嘩」係有另一個意思，就係我見到CONY & BROWN係入面。佢地真係好鬼馬，又識攪氣氛，真係十級可愛呀~

我當然係唔放過機會，係冇乜儀態之下，上前集郵...…集郵再集郵呀~

今次聖誕佈置主題係「Party on the Desk」，其實有一系列文具啦...…好似有鉛筆、鉛筆刨、膠紙座仲有咖啡杯，幾組裝飾都係勁靚呀！

我個人首選就一定係鉛筆小火車，長長嘅列車有唔同嘅角式陪伴，影相都有排影呀...…哈哈哈~

超可愛嘅毛蟲EDWARD同埋大笑LEONARD，真係一定要影呀~

影完小火車，記得同JAMES自拍呀~

9米高嘅摩天輪其實係一個鉛筆刨嚟呀~

而且仲可以行上樓梯同CONY & BROWN嚟個親密接觸呀~

另一個我都好鐘意嘅就係依個女膠紙座滑梯，幾個主角戴晒聖誕帽，靚得嚟仲好有聖誕氣氛呀~

記得唔好漏左尾後嘅JESSICA，佢好少現身呀，所以記得去影埋呀~

最後就係旋轉咖啡杯~

好多主角嘅馬卡龍同埋曲奇，見到都好想即刻食晒佢呀~

真心想講就係，今年個佈置真係好靚，基本上入到嚟每一個都係影相靚位，所以大家出開旺角，都一定要嚟影一轉呀！