本港著名藝人黃子華有三大金句「搵食啫」、「犯法呀」、「我想o架」道盡不少「打工仔」的心聲，而社交網站Facebook群組流傳一段影片，拍下了服務業面對無理要求的困境。
據原片發佈的網民表示，拍攝地點為馬鞍山錦泰苑，當時有一架貨車要求保安員打開閘門，讓其駛入消防通道内落貨，但保安員以沒有申請為由拒絕，結果貨車司機把貨車停在路中心攔住整條馬路，癱瘓錦泰苑的行車交通。片主促保安員報警處理，但貨車司機惡言相向，又恐嚇保安員，於是在場的保安員只好就範，打開消防通道，讓貨車駛入屋苑內落貨。事件曝光後，引來廣大的網民熱議。
網民回應：
Ling Chan：個世界痴晒線
Kai Sum Happy Chun：保安唔企硬，有咩辦法。欺善怕惡的結果，就係惡人愈來愈惡！
雷展超：將心比己，人地打份工，仲要係有名有姓，真係要以身犯險咩？呢啲時候係要有其他路人做架兩，但係又有幾多人有呢份勇氣？結果咪又係食花生！
Leung Ho Yin Carson：佢仲攔曬停車場出入口，d車出入唔到
Roy Lam：錦泰保安真好，開了一個先例，日後乜車都可以咁做了！
Mike Chan：比佢入去係想啲車唔使塞住！唔通等警察來等多一個鐘先至走咩！保安係為咗公眾利益所以先至可以俾佢唔係怕左佢！
來源：fb馬鞍山之友
