綠茶杏仁曲奇

三亞的相片遇上技術上問題要多少少時間執，聖誕節前一定搞掂埋兩篇遊記！先來一個最近簡報，十一月因為一位仆街搞事，令老公生日嗰日都有公事在身，未能履行承諾。

B.M.都是斯文人，真係衰到貼地先會冠其仆街之名，此仆街識得話行家係敗類，自己卻同出一轍，只識抓撈，不識江湖規矩，仲要無口德，將白說成黑。只懂blackmouth 人地以為傳不到當事人耳邊真係超憨居。

三歲細路都識唱It’s a small small world，仲要係同行幾大呢? 學老公話齋：「天下好多人出來行唔識還，最經典就係689，好多嘢自己受不到，就等下一代受，好像賭王何生咁白頭人送黑頭人唔好問點解，問自己成世人做左乜？」

B.M.手下留情是厚道，做人自視過高，到頭來只會自作自受，不會發達。終於事過境遷，好啦！好啦！烘焙狂熱份子歸位啦！即刻做！做乜?老公至愛叮噹餅！由於B.M.想食綠茶味，就做了綠茶杏仁曲奇！(你都幾得喎~ 呵~自己做的餅自己食！XDDDDD) 

叮噹印模買了好一陣子，反正做開，乾脆把舊有的小熊維尼模一併出動！不過最後最受歡迎都是叮噹及叮嚀喲！收到IOB同事盛讚兼追加聖誕柯打，B.M.超有滿足感！

好耐無咁誇張啦！

呵呵~ 期待！