入口即化的Soufflé Cheese Cake

前日經過銅鑼灣，諗住順路落大型百貨公司地庫嘅超市逛逛，想不到見到久違了的北海道Soufflé Cheese Cake，忍不住買咗一盒重溫那入口即溶嘅嘅滋味。

曾於數年前在日本試過，那種入口即化的驚喜口感仍令我深深記掛著！

此款小蛋糕產自北海道函館，創立於1996年，採用北海道七飯町的山川牛奶，無污染自然蛋，新鮮奶油，並融合丹麥特選的起司，用心烘焙出來。一口大小，入口化開伴隨著奶油芝士濃香， 冰冰軟軟的真的很好食！對於我這個不太好甜的肥仔，同樣抗拒不了它的誘惑，難怪之前幾年都攞獎啦，果然名不虛傳！

這款可愛的小梳乎厘芝士蛋糕，確實是一款幸福感滿分嘅甜品，一盒8件盛惠$120，個人覺得以咁嘅質素可算是超值！番到屋企話咁快就食哂一盒，聽Sales講係期間限定只賣幾天，明天決定再去買多兩盒存貨先。