試用：有機珊瑚草毛孔刷及泡沫潔臉乳

謝謝KC Korea為我送上一套韓國最新推出嘅品牌嘅潔面套裝，包括有Dr. Think+ 有機珊瑚草毛孔刷 及Dr. Think+ 有機珊瑚草泡沫潔臉乳~

其實呢...我都係一個幾懶惰嘅人，平日都只係會用好簡單嘅步驟嚟護膚。不過懶惰極...我都會好留意洗面依個部分，因為洗面係潔面嘅基本步，清得乾淨啲，咁就唔會令皮膚繃繃緊，又可以等啲CREAM吸收啲嘛！

Dr. Think+ 有機珊瑚草泡沫潔臉乳~

含有珊瑚草成份，擁有天然的抗菌功能同時可以潔淨老化物，令毛孔細緻，舒適地淨化疲憊肌膚。對去除黑頭、清潔毛孔、鎮靜敏感肌膚及補水都好有效用呀！

柔軟嘅潔面膏，只需要加少少水就能產出輕柔、無刺激嘅泡泡，敏感肌亦可以使用呀~

Dr. Think+ 有機珊瑚草毛孔刷~

利用韓國順天灣珊瑚草製作的細毛刷，每條細毛只有 0.009mm幼度，真係超級軟滑，溫和地去角質又不傷皮膚，而且亦唔會弄大毛孔。能深層清潔、溫和去角質、緊緻肌膚、促進護膚品吸收~

設計都非常很方便， 配帶支架可以吸貼係洗手間牆壁上，方便晾乾刷仔~

整套有機珊瑚草潔面組合一齊使用，感覺又係點呢？首先將珊瑚草毛孔刷弄濕~

然後將珊瑚草泡沫潔臉乳擠在毛孔刷上~

將毛孔刷在掌心搓起泡沫~

利用毛孔刷連泡沫在臉上輕輕打圈按摩，針對鼻翼位置以斜角來回搓動~

用完之後都一定要仔細清洗，然後懸掛在陰涼乾燥處晾乾，咁就可以延長毛孔刷嘅壽命啦~

毛孔刷嘅毛質很柔軟，一點也不刺面，我覺得比用手洗面仲舒服。清潔力也都唔錯，用後皮膚都覺得幾水潤，而且唔會乾澀添！

最吸引之處就係價錢一啲都唔貴，潔臉乳130g都只係$39，毛孔刷就$199，不過就可以用好耐。所以又便宜又好用嘅產品，一定會回購呀！