月餅工作坊

早前去明愛天糧參加 WeShare.hk x Goodgoods舉行嘅活動，第一次親手整傳統月餅呀~

成日都好想整月餅，不過雞手鴨腳嘅我就連冰皮月餅都好似只係成功整過一次，傳統月餅就更加唔洗諗。所以就趁今次依個機會，學人整下傳統月餅先。

我地今次係明愛天糧嘅工場上堂，其實我對明愛天糧依個名字都好熟識，因為之前我嘅工作關係，學校有大少活動都會同佢地訂麵包蛋糕。不過，我都係今日先知原來佢地有推出埋月餅添~

師傅先為我地講解月餅嘅製作，亦都即場為我地示範搓月餅皮及伍仁紅豆餡料~

之後我地就入廚房，學下點處理及焗啲蛋黃~

之後師傅就教我地搓開月餅皮、包餡料及放入月餅模~

哈哈哈...睇完師傅示範，就到我地落手落腳整啦~

入月餅模去定型啦，好緊張呢~

我嘅迷你伍仁紅豆月餅成型了，不過我壓得唔太好，所以好醜怪呀~

接住師傅就教我地就整雙黃白蓮蓉月餅~

睇師傅就好似好易，但原來都真係幾頭狼，好彩幾經努力，我都終於包好左個大大粒月餅~

拍拍拍....雙黃白蓮蓉月餅完成~

兩款月餅都完成，最後師傅就幫我地掃蛋黃，之後可以入爐焗啦~

係等月餅出爐之前，就由好好社企負責人為我地簡單介紹佢地社企嘅目的~

「好 好社企」主要與本地社企合作，亦有採購不同國家各種各類有意義的社企產品於鋪内銷售及推廣，親臨本店除了可以選購其他各式精美的社企、公平貿易、有機健康 產品外，還可以聽到每樣產品背後的故事，增加對社企的認知。除了銷售產品，「好好社企」也樂意爲企業提供對企業責任方案意見，或為企業訂造特色社企產品。

之後就由月餅師傅同我地講解明愛天糧面對困難同成舉辦嘅目的~

其 實明愛天糧係爲協助精神病康復者重投社會，佢地會聘用經驗豐富嘅包點師傅培訓弱能人士製作健康及衛生的產品，等佢地學到一技旁身，咁就可以創造就業機會， 等佢地可以自力更生。精神病康復者係專業師傅指導下，嚴格依照安全衛生的生產程序，操作手法熟練，所以出品都一樣係高質量保證。

說時遲....那時快，我地嘅月餅出爐啦~

好彩我嘅製成品都算OK，都叫做見得下人啦~

最後師傅仲教埋我地最後一個包裝過程，等我地自己動手包呀~

YEAH....其實同出面街買都係一樣咁靚呀~

不過，暫時未可以食住，因為要等月餅回左油先可以食，所以等下先啦！

除左整月餅好好玩之外，今日我仲了解左一粒月餅嘅背後故事，等佢地可以自力更生，亦都可以幫助有需要嘅朋友，所以真心希望大家可以多多支持社企！