朋友仔生日,咁佢鍾意大閘蟹,我地決定用大閘蟹為她慶生,又想乾手淨腳,可以吹下水,決定去酒樓食,有朋友平日去開一間酒樓飲早茶,話佢抵食之餘,味道都唔錯,我地七個人叫左個  金豬龍躉全包宴 半圍,試過大家都話做得很出色,下次聚會都揀這裏。

先黎  清蒸大閘蟹  這個是額外加的,全部都是公,超多膏~ 噢!膽固醇萬歲^^

即燒原隻BB豬—燒得非常酥脆又唔漏

醬皇碧綠花姿蚌仁—非常滋味

鮑魚黃金生菜盞—外形幾盞,但味道普通

當紅脆皮燒雞—雞燒得啱啱好,肉帶有一定肉汁,十分好吃

瑤柱扖瓜環—這個超唔掂,瓜環好硬,未冧透

花膠海皇燴燕窩—湯頭味道調教得唔錯,不過揾勻唔覺有燕窩

重頭戲  清蒸沙巴海龍躉   蒸得啱啱好,重好滑添!

雞湯益菌浸山藥—而家提倡養生,山藥爽口唔錯喎!

懷舊籠仔腊味糯米飯—賣相唔錯,初時見無乜豉油色有點擔心唔夠味,但!好快比我地食晒

酒樓開左都大約半年,位置有點偏僻,我地7人坐12人大枱幾舒服,價錢合理,大家都讚成下次聚會再吃再聚!


 趁尾水!終極平食大閘蟹+BB豬!