【開盒報告】Evoultion Toys電人查勃加

Evolution Toy 新出既電人查勃加，懷舊味好重，今次出咗兩款，小弟繼續做死士，繼續支持懷舊嘢，繼續再三地瀨嘢...!!!今次可謂連中三元，繼新三一和鐵金剛後，查勃加又係磁力過猛和較位過脆，當試圖分離磁石波時，一拉即斷，最終需出動AA膠修補，睇來下次開盒除咗預備相機，仲要預備埋AA膠。

衰嘢唔講喇，講返查勃加，其實整體做得幾靚，小弟入咗可變電單車那款，無論上色和造型都好滿意，呢款有兩個身，加上磁石設計，變身無難度!反而我想講吓ET既設計，經過連中三元後，真心想向廠方反映吓:

1. 最近幾款不再腳軟，可能是加強了磁力，但仍然好難企得穩，我覺得原因是產品整體合金分佈得太平均，上身和下身一樣咁重，所以好易跌，而家好多產品都會刻

意做重下身，或上身屬金量減少，就係為咗企得穩;
2. 最近幾款，感覺磁石波磁力好強，分離關節進行變身時，永遠都估計唔到佢分邊邊，今次例子就是膠不敵磁力，一拉即斷，廠方又要好好平衡吓。