香港原創桌上遊戲展銷

我地三口子平日都好鐘意玩啲桌上遊戲，係一次參觀禮品展機緣下，認識左樂在棋中依一間香港原創桌上遊戲的社會企業，對佢地印像大深，今日係佢地舉行暑假展銷特賣，當然要嚟支持下啦~

樂在棋中係由一位社工爸爸創立，佢地所推出嘅桌上遊戲‬係以生活化嘅題材加入成為原創主題，由交通、環保及金錢概念到認識香港本土文化都有，所以係好值得支持呀！

由今日開始，一連三日佢地係灣仔舉行暑期特賣，可以一次過認識佢地所推出嘅六款桌上遊戲，仲有即場教學及試玩，貪玩嘅我當然唔放過依個好機會，趁小小豬返左學之後去玩一轉啦~

哈哈哈...坦白講，係六款桌上遊戲當中，最最最...吸引我嘅就當然係佢地最新推出嘅《沿途有禮》，我之前亦都參與「沿途有禮」桌上遊戲巡迴展覽開展儀式(按此重溫)，再加上小小豬係一名地鐵控，我又點會唔投豬所好呢~

係遊戲過程中，每位玩家都會獲委派一項任務，玩家需要最快完成任務才能獲勝。係娛樂嘅同時，小朋友亦能透過《沿途有禮》這遊戲，培養安全有禮的乘車習慣，建立安全乘搭港鐵的意識~

《機不可失》就係我第一次接觸，原來係佢地與機場管理局合作推出嘅~

每位玩家必須按不同情景採取行動，例如安排飛機在兩條跑道上起降，在遊戲過程中盡快取得「星星」標誌，率先獲得十粒「星星」標誌者便可勝出。情景牌模擬機場運作的挑戰實況，包括惡劣天氣及行李遺失，讓玩家體驗現實生活中機場運作的緊張氣氛~

《小財俊大智慧》是 AXA安盛與樂在棋中合作設計出的桌上遊戲~

玩家棋子首先到達遊戲圖板第 50格終點「實踐目標」就能勝出。遊戲宗旨是希望孩子透過遊戲學懂儲蓄、正確消費及基本的財富管理概念，同時培養他們的公民意識及與人分享等正面價值~

《港·環保》是一款以香港生活題材為背景的德式桌上遊戲，小小豬都不知幾熱愛依套遊戲，每晚都要玩一轉先肯瞓呀~

玩家在遊戲中需要把廢物牌收集分類，放於各個廢物回收箱：同時要運用功能牌把廢物牌轉為能量水晶，以獲得分數。最後得分最多者為勝。透過遊戲，玩家可以學習廢物分類、回收廢物、循環再造，轉廢為能等知識。富教育意義且有助改善生活習慣~

《張保仔傳說》~

在遊戲中玩家需要分別扮演漁民、海盜、清兵和葡萄牙人，爭奪張保仔寶藏圖。玩家需要利用風向牌和功能牌，使自己快速前進的同時阻礙其他玩家。最快圍繞長洲地圖航行一圈，並沖過第二十四點為勝。遊戲除了充滿娛樂性，還能讓玩家對張保仔的歷史以及長洲的風俗文化有所認識~

《繽紛大嶼》是以遊覽大嶼山為背景的桌上遊戲~

玩家需以行動牌來前進，當到達任何景點，就可得到一張繽紛牌。玩家還可以用功能牌干擾其他玩家、使自己獲利等。最快集齊四套繽紛牌者為勝。另外，繽紛牌上印有大嶼山的景點、旅遊資訊等，讓玩家在玩遊戲的同時，認識大嶼山的地理位置、旅遊資訊和玩樂好去處~

哈哈哈...今日我地即場請教左在場工作人員教我玩左 《機不可失》、《張保仔傳說》同埋《繽紛大嶼》，佢地真係不厭其煩咁解答我依位問題少婦，係佢地耐心教導之下，我學識左點玩，可以同小小豬慢慢玩啦。負責姐姐們仲非常細心，知道我係同一位四歲小朋友玩，就左我啲個簡易玩法添呀！

與其俾小朋友電子產品不離手，不如花少少時間(其實一局遊戲最多只係需要大約30分鐘)同佢地玩啲有教育意思嘅桌上遊戲，既可以增加親子感情之餘，又可以學下訓練腦力及應變，最重要就係可以讓小朋友學識輸得起(小小豬都經過長期訓練，依家先叫做可以接受輸呀)，所以我係真心向朋友仔推介桌上遊戲呀！

哈哈哈....唔講太多長氣說話了，有興趣嘅朋友仔可以趁依個週未，帶埋小朋友一齊上去試，親身感受下各種桌上遊戲嘅樂趣，玩左覺得好玩先買返屋企，唔啱嘅就走人，完全冇問題呀！

樂在棋中香港原創桌上遊戲展銷
2015年6月26日 星期五 2:00pm-8:00pm
2015年6月27日 星期六 10:00am-6:00pm
2015年6月28日 星期日 10:00am-6:00pm
地點：香港灣仔軒尼詩道十五號溫莎公爵社會服務大廈1樓101室香港社會服務聯會