試穿靚靚女裝鞋

最近又有新嘗試，因為得到網上商店邀請，試穿佢地出品嘅靚靚女裝鞋，真係要非常感謝Rabbit為我帶嚟第一次網上購買鞋仔嘅好經驗呀...哈哈哈~

我係一名全職傻媽，大家都可能以為我係好得閒，可以成日行街SHOPPING。但其實我嘅時間都真係幾忙，除左小小豬返左學嗰少少時間之外，我真係真冇乜時間，總係覺得一日24小時係唔夠用。

就算可以去行街街，但大多數都係去睇童裝用品多，睇自己用品真係可以話越嚟越少。好彩依家都開左好多唔同種類嘅網上店鋪，有時真係睇睇下FACEBOOK，唔覺唔覺就可以買嘢。不過，我之前都係網上店鋪買衫多，鞋就真係完全未試過，因為我對腳又怪怪的，穿的碼數會因應款式唔同碼，所以就好怕啲鞋買左返嚟啲碼著唔到。

衫唔啱著就可以話轉贈俾屋企靚女們，但鞋呢...我地幾個尺碼都唔同，冇人可以接收，所以一直我都唔敢係網上買鞋呀。今次正係一個好機會試下網上購買鞋仔經驗啦！

Rabbit係香港本地品牌，創於2007年，目前經營九間分店遍佈九龍新界。Rabbit的所有鞋款均由一班本地設計師設計，結合實用及潮流，給顧客提供大量時尚及多元化的鞋款選擇。除了廣泛的選擇外，Rabbit所用的物料也非常舒適。

今次我就揀左三對鞋仔，首先就係我三對中最鍾意嘅....車格線綁繩厚底鞋~

銀色輕便鞋就係最易襯衫，平日接送小小豬返學就最好不過，既靚靚又舒服。真係大愛呀~

喱士拼金金綁繩運動鞋~

其實當我係網上揀鞋時，第一對就係揀依對。愛浮誇的我當然係俾佢啲喱士吸引到，加上我平日都好少運動鞋，所以就揀佢啦！

依對都唔錯，著上腳都好舒服，不過由於係猄皮關係，依個天氣著好似熱左少少，或者要等秋涼先著啦~

金屬色鞋頭豹紋尖頭鞋~

其實依家嘅我每日都係牛仔褲加TEE，所以都好少著女性化嘅鞋仔。但女仕總要有對"婆仔鞋"嚟看門口，扮起靚時都有對鞋襯返呀！

我覺得都幾舒服，而且仲唔會刮腳又或腳指位好迫迫夾夾~

整體上三對鞋都真係幾好，著住行一日雙腳都唔會唔舒服或者過攰，著住行街市都唔會跣(依點對我嚟講係好重要)。質問唔錯佢，而且佢啲尺碼都幾足，我依三對鞋都冇偏大或偏細情況。最好就係啲鞋又唔算貴，平平地買嚟粗著一季都抵呀！