九層窩夫巨無霸

作為第一篇寫嘅文，就分享一個小秘密!!!

我嘅食量驚人係朋友都應該知道，話說有一次好意氣高昂咁話要去挑戰氐九層窩夫。

甜牙牙主打招牌窩夫: 自家粉漿 x 法國朱古力 x 進口生果

第一層是兩球雪糕&鮮果

第二層是士多啤梨&忌廉

第三層是栗子忌廉蓉

第四層是哈蜜瓜&忌廉

第五層是朱古力杏仁&忌廉

第六層是Oreo碎&忌廉

第七層是Tiramisu醬

第八層是西瓜&忌廉

最後一層是北海道紅豆蓉&忌廉

九層之外再配上朱古力醬、杏仁碎作裝飾

雖然食第一二層嘅時候都重覺得味道唔錯，但其實去到第三層開始因為時間耐左，窩夫都已經被雪糕其他材料浸到淋左，其後開始係有困難，因為真係好濟。最鐘意食第三層栗子忌廉蓉，因為本身都好鍾意食栗子製品，將栗子磨成蓉，入口有淡淡的栗子香味。最難捱係最尾嘅北海道紅豆蓉，因為比較甜，本身我都係好食得甜嘅人，但都覺得真係好甜，再加上已經好濟，到尾其實都放慢左食，最後用左33分鐘完成。店入面鋪面員工甚至廚房製作食品的員工都對依件事十分驚訝同難以相信。

最後完成緊係要拎番張証書紀錄下，因為應該再食唔到第二次 :)