余文樂拍攝新水動樂廣告打「水底籃球」大叫過癮

水動樂飲品代言人，余文樂每年都會參與拍攝新廣告，今年亦不例外，而且都是打籃球，不過今年有新花臣就是「沙灘籃球」和「水底籃球」。

樂仔親自解構今次電視廣告為何由沙灘打到落水底，他說：「其實個故仔係講我同班朋友喺沙灘打籃球，個籃球跌咗落水，我跳入水追住打！」而拍攝亦分兩部份，第一天在泳池拍水底戲，為了安全，沒有潛水經驗的樂仔預先上堂學水底呼吸。拍攝時，工作人員和攝影師都要佩帶氧氣筒潛落水底，但樂仔就不能用氧氣筒，所以在場除了有潛水導師和救生員，還有醫療人員隨時候命。由於水底有阻力，而且不能像地面控制自如，所以樂仔重覆水底接波兼入樽連串動作幾十次，雖然攰到幾乎抽筋，但他大叫過癮。他說：「拍攝水底打籃球真係好困難，又要就鏡頭又要就水阻力，事前安排咗老師教我少少潛水知識、水底呼吸，廣告公司租咗個好個泳池，旁邊有救護人員stand by。其實我好想正式學潛水，喺水底見到既嘢係另一種感覺，但因為要連續上堂好多日，我冇時間，未有機會學。」

拍完水底部份，樂仔轉戰沙灘籃球，拍攝當日雖然烈日當空，但有籃球在手，樂仔忘記一切與陽光玩遊戲，導演未嗌action，他已經與波友鬥射波。事後樂仔自嘲孤陋寡聞，說：「我真係見識少，因為今次拍廣告才知道『沙灘籃球』，又真係幾好玩喎，不過要小心界刂腳，今朝有演員唔小心整損腳。雖然好玩，但好曬，平時真係幾難約埋幾個朋友嚟沙灘，唔曬太陽而打籃球。」他坦言喜歡到沙灘曬太陽，但甚少約朋友去，因為他喜歡一個人去靜思。問他會唔會裸曬呢?樂仔衝口而出：「費事嚇襯人！」隨即哈哈大笑，說：「唔係，我只係怕被人影相，職業病嘛！其實都有去過外國既天體沙灘一次，但自己唔裸曬，去到好異相！」

據知，「沙灘籃球」源於1970年美國，較常見是再改良版的「德式沙灘籃球」，兩隊各派3人上場，比賽規則與一般打籃球差不多，但沒有場地界線，比賽3場，每場5分鐘鬥高分，或鬥快攞到33分就贏。