Pinguino BoBo Care 小朋友嘅護膚品

小朋友都有護膚品？係呀...因為小朋友都要好好保護皮膚，尤其小小豬係一隻濕疹豬，所以一定要特別小心呀！

謝謝Pinguino BoBo Care公關姐姐送來一套四款全天然香港製造嘅護膚品，等小小豬又可以扮靚仔啦~

可能大家都對Pinguino BoBo Care都比較陌生，當中包括我在內，所以當收到產品時我都上網研究下先，始終俾濕疹嘅小小豬用都一定要小心啲嘛~

原來Pinguino BoBo Care係新出嘅幼兒護理產品，當中佢地用左兩年多時間構思籌備，終於係今個春天正式推出市場。

一套四款嘅Pinguino BoBo Care嬰幼兒護理產品系列，100%香港製造，獨有銀果精華及水蜜桃核仁油，有保濕、滋潤和抗氧化功效，及可促進細胞再生以及修復肌膚，對敏感性及濕疹肌膚特別有幫助。

而且係純天然，無酒精、無香精，就連初生BB已經可以用呀~

Pinguino BoBo Care潔膚水 (免沖水)~

我覺得依個就係好似我地大人嘅化妝水，由於不含油精成份，所以我會用嚟整濕棉花，之後幫小小豬抹下面仔、手仔同腳仔，等皮膚可以保持滋潤~

每當我幫佢用棉花抹面時，依個傻豬仔總係鐘意學我，扮我用化妝棉抹面，抹完面仔仲問我佢靚唔靚仔，真係俾佢笑C呀~

Pinguino BoBo Care水份保濕霜及滋潤保濕乳~

其實依兩支Lotion的成份都係差唔多，兩者用後都覺很好水潤及而且都算易推。不過Silky Lotion就較適合春夏天使用，Creamy Lotion則比較適合冬天使用~

依家每日小小豬都已經習慣洗完面仔之後，問我拎自己Lotion自己塗，一邊搽仲一邊話：嘩...我好靚仔呀！好一隻自戀豬呀~

Pinguino BoBo Care爽身噴霧~

由於小小豬有濕疹關係，所以我一向都冇俾佢用爽身粉，今次終於可以大用特用啦！獨創噴霧狀態爽身粉，有效保持寶寶皮膚清爽，預防熱痱或汗疹。

我覺得依個真係非常好，小小豬都係一隻大汗豬仔，玩一陣就會成身汗，啲汗一濕住身體，佢就會不停話痕，仲係度"R...R...R"，睇見佢都辛苦。用左依個噴噴爽身粉，明顯小小豬因汗令到痕嘅情況真係少左，所以依家我都隨身帶出住，等小小豬可以隨時爽爽爽呀~

除左小小豬用得都唔錯之外(起碼用左差唔多一個月，小小豬啲濕疹都冇嚟探佢)，我個人覺得最好就係完全冇味，依個係對我依啲鼻敏感人仕嚟講係非常重要呀！