【油麻地開分店】長洲原來有好多間「芒果糯米糍」

以下純粹個仁意見...亦是我專誠去了油麻地兩日，試食完的結果...不喜勿插！！

長洲糯米糍，當我知道在油麻地開了分店之後，歡喜若狂...正呀！！又可以再食今年2月，由長洲朋友介紹下，在天后廟前勝記(芒果王)的神級糯米糍啦！！ (但事實並非如此...)

因為傳媒一早報導了油麻地糯米糍分店，17:00前一定售罄，但仁太懶，昨日還是睡至下午2時，當到達油麻地窩打老道時已經下午4時...人龍約10人

但門外正掛出今日售罄的告示，我問店員，雪櫃的不賣嗎？

店員回答:「我哋上星期三第一日開，因為一日內接得太多訂單，所以我哋決定取消預訂，E啲係當日客人訂咗未攞，全部都係榴槤味」

(點解賣晒，佢哋仲排隊嘅？？)店員說:「其實我哋每日會返三次貨，13:00， 15:00， 17:00，每次返500幾件，因為頭先太多人，我已經登記晒，如果你要買，唔好意思，不如你聽日一點再嚟過」(超失望！！)

不過， 失望之餘，原來商台Colin也訂糯米糍準備拿回節目介紹，不過我昨天前不知Colin是誰，原來我有幸被Colin拍攝入鏡。其實，我估計因為我對店員問長問短， 阻住他影門口相，所幾影埋我....Sorry！！

今日，我中午12:45又趕到油麻地，今日情況更加激烈，我排第17，前面有姐姐正討論:「排第一個女仔12:15分就嚟啦...」，「我前日嚟都唔畀我訂呀..佢話訂500個嘅額滿咗」

基於我的性格，我一定會搭訕:「妳哋食過未？？」，其中一個姐姐:「食過啦...允升吖麻 (係咩..E間係允升咩？)..允升有兩間，佢哋中興街嗰間好食啲」(其實我覺得允升都麻麻地)

如是者，我們又繼續談論長洲，繼續講糯米糍...一直等至13:45，人龍才開始蠕動...不過在我後面的人龍已經過4-5個舖位，轉回頭，人數超過60人。

店員大叫:「我哋本來星期四休息，所以今日留咗比預訂客人，只剩好少...80個，全部得芒果，唔好意思...可能排得後嘅會無得買...唔好意思」 (好彩我算早嚟啫...暗喜！)

14:00終於輪到我，我問:「幾耐要食晒？？」店員:「放入雪櫃可以2-3日，唔放就3個鐘」臨走前我証實一下:「你哋係咪允升？？」店員:「唔係，我哋係長洲糯米糍，7仔隔離...」(少少中伏感覺...因為我最愛的芒果王不是在7仔隔離的)

快步取回家，立即拍照及試食...一盒十個，有大有細，好像一家人，有老有嫩，上次芒果王我買6個，每個大小均一，為何今次如此失準呢？

朋友說糯米糍會等同滑鼠大細...我拿了最大的來拍照，哈！哈！又有少少似喎...

今次我切開糯米糍，總覺得糯米皮厚了，粉多了，芒果與糯米皮的混和感不夠之先的完美...我這刻可以80％肯定，「長洲糯米糍」應該不是等同「芒果王」。

八卦是我的名字，於是我親自打電話給長洲「芒果王」的鄭太，她說:「唔係我哋嚟架，如果將來我啲仔女大咗，我都應該會衝出長洲，但佢哋E家仲細，暫時都未有打算開分店」(哦！ 原來如此...)

當年沒有周星駛，我們有張衛健，我不是黎明，亦是從前馬俊偉出道時的宣傳口號，張衛健，馬俊偉都有大批支持者，不過我還是喜愛天后廟前的芒果王。

或者長途跋涉，影響糯米糍質素，阿太:「車！2個幾月前，你真係仲記得芒果王啲味？？」，我肯定記得！！為表公平，我決定下星期入長洲，三間糯米糍來一個大比併！