今次我煮左茄汁煎蝦碌同屋企人分享啦~
其實我想整茄汁煎蝦碌好耐,不過小小豬爸爸又唔太鐘意食,咁兩個人又食唔得晒一盒蝦,所以就趁返爸爸屋企食飯時,煮俾大家食啦~
首先將蝦頭尖削部份及腳仔剪去,之後沿蝦背由蝦頭底至尾劏開,除去腸臟後略洗~
加入1茶匙紹酒及少少胡椒粉醃20分鐘~
先用廚用紙抹乾水份~
將鑊燒紅,以半煎炸形式將蝦煎至全熟備用~
其後將鑊洗淨鑊,再加入油燒熱,加入薑片及蔥頭爆香~
將蝦回鑊略兜~
最後加入茄汁及糖作調味,然段兜至醬汁變糊及稍微乾身~
話咁快就食得啦~
其實個茄汁煎蝦碌味道真係唔錯,係蝦身劏開少少,咁可以等個味入啲,咁食起上嚟就唔會啖啖蝦肉都有茄汁味,即刻香口好多呀!
不過有少少美中不足,就係今次揀嗰盒急凍啲肉唔多實,有少少淋淋地,所以唔多唔少影響左個口感呀!
【自家製】茄汁煎蝦碌
https://www.facebook.com/kinseymama