好玩盡在 We嘩!黃金嘉年華

估唔到相隔半年，我地三口子又嚟到黃金海岸商場，不過我地嚟嘅目的就係一樣，都係嚟大玩特玩，真係非常感謝We嘩!充氣嘉年華邀請呀~

其實我開初都有啲擔心今日嚟唔到玩，因為之前睇天氣報告都話係復活節假期會落雨。不過估唔到今日陽光非常充沛，天氣真係好得有啲驚人(因為好晒呀)！

嘩...原來今次嘉年華比上次玩嘅多好多遊戲呀~

我地第一個玩嘅遊戲當然係之前未玩過嘅「嘩啦嘩嗱!撑艇仔」，小小豬依一身打扮撑起船仔，有型嗎~

之後就係我恨左玩好耐嘅「We 嘩!水上飄」，上次見佢地兩父子係入面碌得咁興奮，我緊係想玩啦！不過原來係入面不停碌碌碌又爬爬爬，真係好攰呀，唔怪得小小豬爸爸咁鼓勵我玩啦~

之後我地就轉戰一樓商場，因為小小豬話「我要做騎師」呀~

第一次玩小小豬都唔係太熟個技巧，好在場內哥哥好有心機咁慢慢教佢，仲陪佢行左一段路添~

識得玩之後，仲不停轉馬仔，真係貪心豬呀~

我地仲玩左「木桶過三關」及「狙擊鐵甲人」攤位遊戲，不過我地唔中，嬴唔到禮物添~

玩左一輪激烈遊戲，係時候去要文靜一下，去「We!嘩藝術廊」砌屋仔啦！次次嚟藝術廊小小豬都一家係砌屋仔，原本打算叫小小豬砌恐龍仔，不佢都係要砌屋仔，所以...都係照舊啦，只要佢專心做，砌咩都係一樣嘛~

文靜過後又繼續跳，因為要去「恐龍遊樂園」呀~

小小豬仲變身考古學家，去發掘恐龍蛋及恐龍化石呀~

玩完仲有帶一隻恐龍蛋返屋企添~

之後我地去返地下繼續玩，先嚟「We 嘩!抓抓樂」~

再嚟「反轉夢幻堡疊」~

最後就係小小豬至愛嘅「變色龍世界」~

其實另外仲有一個「恐龍捉雞仔」遊戲，有恐龍出嚟同大家影相同玩，不過因為小小豬要玩變色龍，所以冇去排依個遊戲呀！

可能因為天氣都比較熱同晒，所以小小豬今日玩嘅次數都唔算多。不過唔緊要，開開心心放電就好了！

雖然黃金海岸一連五日既「We嘩! 黃金嘉年華」完結了，不過唔緊要，因為直到4月12日仲有奧海城嘅「We 嘩!充氣嘉年華」 - 復活小巨蛋。

小小豬已經又再準備去，到時繼續玩過呀！