【食在旺角 】三八小聚會　令你回味不了的小時光

要識新朋友是一件不難的事，不過要有真心的知己好友

卻不是一件容易得到的事，

但小妹很有幸，在處理自己的大日子時

認識到一班很好的女生們，組成了我們的三八Group

早前在三八婦女當天，當然要跟我班好姊妹來個小聚會

來慶祝一番這個三八節吧

當天我們就選了大家早前也想試的韓國燒

絕不是之前吃的韓國燒烤，是很正宗的韓國燒烤呢

這夜我們來了近來很多分店的BBQ 7080 

今次選在旺角的分店呢

這店的設計風格很特別，它是以韓國的七八十年代為主題

牆上都要有那時候的海報呀，電影等等

最重要的是它的坐位，是以鐵罐的設計

鐵罐是可以把自家的包包及外套收藏

咁即使吃得多久，外套及包包都不會有強勁的BBQ 味道吧

而在一坐底的時候，店員就會為大家準備了一些醬料

是給大家在燒肉後的點的呢

另外也有一些的是韓國菜一定有的就是一些前菜吧

如是醃菜，泡菜酸羅白等等

一場來到這間的燒烤店，我指定了要叫的就是它家的豬皮

由我從來都沒有接觸過正式的韓國燒烤既我

燒豬皮簡單係又新奇又有D 怕怕地

豬總是給人肥肥的感覺，雞皮也是給人是油淋淋的

咁究竟豬皮又會係咩感覺架呢?

有時睇人地D 食評都話燒豬皮真係一流的

究竟又係唔係真架呢? 

店員就教我地把豬皮擺放在煎PAN 上，其實我不懂怎樣去形容它

然後待它慢慢變得透明狀的，而背後是燒成金黃色

然後就慢慢剪開就可以吃得囉

另外當天我們也點了這個燒帶子，真的不像平時我們去BBQ 燒的

這個是又多汁又大粒，最重要係原汁原味好夠爽！！ 

另外這個豬類既大集錦，實情個名真係唔記得

但係樣樣有d 又唔怕有d 唔好食又唔怕唔知叫邊樣好

呢個就最好啦~咩肉都有齊又可以滿足大家既胃啦

或者大家同小妹都有同一個問題，如果我係第一次去食

又或者我跟本未去過韓國既話，我點識去煮呢d 野呀?

唔洗驚唔洗怕，因為呢度既店員會好樂意同你煮架

不過我覺得自己煮可能會開心d ，就可以示意店員自行處理就好啦

除左豬肉，海鮮我地都有食牛肉架

不過未知是否煮得太熟我地反而覺得豬肉更為吸引的味道呢

也許是調味的問題所在呢

今次這個小聚會，雖然吃得短短的一小時

不過也很享受這個時光呢，跟傾得埋既女生去食飯

果然快樂不知時間過，不過我們建議是多人來進食

因為我地四個人吃，每人也需要約200-300 元(看你會否需要飲酒?)

女生吃可能是剛剛好飽的，男生就會一定唔夠

加上有店員親切的幫忙，其實真係食得黎幾急~

不過它家既抽煙系統做得幾好，起碼我地食完飯d 衫褲都冇BBQ既味道

同埋D Staff 真係好helpful 咁幫你係咁燒

但係對於我地黎講就好似有d 燒得太快，又根本又食唔切

呢個小問題或者等我地試多次就可以解決

而最令我估唔到就係佢地換塊鐵板既速度比我地相象中快好多

我地仲話洗唔洗真係換得咁快，要洗架啵真係

同埋要提一下它家的麥茶好好飲，完全係可以幫你清d 韓燒d 油油感

◕‿◕如有任何問題歡迎聯絡小妹