這是一個舊故事， 一個發生在農曆新年的故事... 話說一向崇日又迷信的我， 想好意頭， 於是就買了一盒「大吉大利」到父母家拜年。
點解會看中這盒由「和歌山」而來的「最高傑作物」呢？ 因為當日年三十晚， 我在現場發現最少有三人同時在搶， 於是我即時上網查查， 究竟這是乜東東。 (咁多人爭？？)
原來在日本也賣290日元一粒， 更寫明糖度有13， 即100g有13g糖的吉。以當日匯率計0.65， 即是我在日本買一盒也要$282， 今日在香港買還要便宜$15。 (唔駛講嘢...即買啦！！ 咁著數， 真係機票錢都慳返呀！)
打開包裝盒， 15粒吉全部獨立包裝， 不得不佩服日本人的心思。(食個吉都咁鬼講夠， 抵畀你賺啦啲錢！)
(我唔客氣啦！！)...即時打開包裝， 為「蜜柑」剪彩。(無錯！！一分錢一分貨， 真係香噴噴！)
一放入口， 多水又多汁， 超甜， (甜正好似個吉識得望住你笑咁！ 非常正)， 一向不愛吃橙的小朋友， 在不斷遊說下， 食完第一瓣， 也不抗拒再食第二瓣。 (奄尖大少也不停食生果，真係$30一粒都抵！)
不過當我們正想添食之際， 晴天霹靂的事件出現了...點解有5個「蜜柑」有如此大的胎記， 發霉呀！！...我只是買了一晚， 又有放入雪櫃喎！
哎呀！ $26.8食一個酥皮蛋撻大細的吉， 今次真係買「貴吉」啦！！ 今年必定會大吉大貴吧...(以後密封， 再加獨立包裝嘅生果， 都係米再攪我)
【大吉大利】最高傑作物「蜜柑」的胎記 @ 日本和歌山
https://www.facebook.com/hayakutang
