天后鄭秀文（Sammi）早前在紅館舉行跨年演唱會同時，推出新曲加精選碟＜Sammi Miracle Best Collection＞，一邊開騷一邊為新碟宣傳。雖說是新曲加精選，但製作和成本好比專輯大碟，碟內有6首新歌，更拍成MV，極盡視聽之娛。由封面拍攝到收錄的新歌，Sammi嘗試與不同幕後精英合作，擦出火花，帶給歌迷新鮮感。
其中一首新歌，由神級填詞人林夕操刀，由SWAROVSKI贊助首飾拍攝，讓Sammi閃亮演出。Sammi說：「＜總有一個人＞係林夕寫嘅詞，歌詞表達世上總有一個人愛你，無需要放唔低舊情，太留戀以前嘅自己、對方，甚至感情。人應該向前望。」 她表示這次是少有與林夕合作，而非電影歌曲，她說：「份歌詞講得好啱，人要向前望，唔應該眷戀以前嘅人和事，遇到適合嘅人就要勇往直前!」
眾所周知，Sammi對歌迷情同好朋友，無所不談，甚至充當他們的愛情和醫學顧問，Sammi笑說：「我好少同歌迷傾心事，反而佢哋好多奇難雜症問我意見，有時問我醫學嘢，有時傾吓佢哋嘅家庭、工作和愛情事，大家交流，傾吓日常生活。佢哋最鍾意問我最近鍾意食乜，然後去搵或者整畀我食。」歌迷似乎想谷到Sammi肥肥白白，過肥年。
