澳門HELLO KITTY杏仁餅

話說澳門開左Hello Kitty Obrigado專門店之後，我就已經勁想去潮聖。不過暫時大肥豬都未有計劃想我地再去澳門玩，所以一直都只得個想字！

雖然未可以去潮聖，不過係澳門返工嘅細佬就買左幾盒Hello Kitty杏仁餅俾我地食呀~

哈哈哈...細佬仲買晒四隻味道俾我地試下呀~

除左有原味之外，仲推出左綠茶、咖啡及朱古力味，我都係第一次食依三種味嘅杏仁餅，所以都有少少期待呀~

話明係Hello Kitty杏仁餅，又點少得個Kitty頭同蝴蝶花花呢，真係未食都已經好興奮啦~

哈哈哈...為食嘅小小豬又點會唔想食埋一份呢，佢見我影相時都已經好心急要食啦~

味道方面又如何？或者我個人比較先入為主，始終都係覺得原味係啱我口味多啲，新出嗰三種味唔係話唔好，只不過食落都總係覺得同杏仁餅好似唔多夾咁。

所以話呢...始終都係傳統啲好，新嘢都係留俾啲年輕人去試啦...哈哈哈！