葉問 正宗

(網絡圖片 - 動作巨星甄子丹)

近年來，由動作巨星甄子丹主演的「葉問」及「葉問2」，掀起了香港的功夫熱潮。驅使好多人上武館問有關詠春課程，其中有一部份的人會問：「詠春是否正宗？」

何謂正宗？本人認為，只有一代弟子，又被葉問本人認可，才算是正宗。

但師祖葉問已經仙遊，如果要學「葉問派」正宗的詠春，已經不可能。 除非你能夠穿越時空，又天資聰敏，得到葉問師祖的認可，才能叫做「正宗」。

(網絡圖片 - 葉問師傅)

這現象實在太古怪，去街邊買一串咖哩魚蛋，我們好少問店員， 「呢串魚蛋係唔係正宗咖哩魚蛋」。亦正如我們學習英文時，亦都好少問「你係唔係教緊正宗英語」。一般追求「正宗」的人，可能認為出面的假野太多， 怕自己學得唔啱，浪費自己的金錢及時間。 但若果你直接問對方「你賣的, 係真貨定假貨」，一定唔會有人話比你聽係假貨，所以對於初學者而言，根本無法驗證。

就算你知道某位師傅手法最正宗，但對方唔肯教或者唔識教，都係無用。揾一個有能力的師傅難，但要揾一個好師傅( 有能力又有心教並且懂得教) 就難上加難。

(網絡圖片 - 葉問師傅)

好多人認為只要問兩句，就知道呢個師傅有無能力教，同埋教唔教野。老實講，賣花一定讚花香。其實付出少少學費，觀察兩至三個月，便能分辦出來。因為你一上堂，最真實的一面均會呈現出來，例如係佢的教學方法，會否一成不變般守舊，只教深奧難明的道理，仲話某些招式殺傷力太強，不能示範比你睇而且要睇人品教。咁你要好好考慮下，要不要跟呢位師傅學習了。

一位有心教的師傅，佢會話比你聽，用邊一部分打人最痛，打對方邊一度，點樣攻擊，幾時攻擊；對方作出反應時，你又如何應對，很有系統及步驟的教導。起碼學會這些基本技巧，遇到危險，你亦知道如何應付，不會方寸大亂，這才是學武的目的。