這支狂牛你捉到未？

這些年，傳統股市不濟，香港股市亦然。環顧世界，有不少狂牛，升多多也好，未必熟識，未必有份。但香港股市中亦有一支狂牛，升得不錯，亦不難捉。

圖中那支股是港交所(388)，這星期升破$500。$500這個數字立即令我想起陸東很久以前提過，找到下面一篇報導轉貼一下，有幾點感想。

1. 2014年年中，陸東指港交所三年內見$500，當時只是$140，三年時間未有升上$500，但今天終升上$500，比預計遲了三年多。合理股值與股價走勢總有分別的。

2. 陸東不止一次說港交所值$500，但留意多時，他並無詳談估值，只是指其獨市生意，認為投資者不可能替一盤獨市生意估值。即有專利權，就能令人無限幻想。

3. 今次升上$500，這些年的中美關係成為了催化劑，令一眾中資巨企資金有機會需要班師回朝，造就了港交所。這個情況與結果很難事先預期得到，但這個趨勢與獨市生意就是事實。

4. 這是一支富豪可以買很大額資金的股票，常說爆升十倍八倍的股票不鮮，但能一億億的買下去的不多，主因有實業、專利權，加上市值大及成交不輕，這樣的股票大升，與「細細粒」的股仔大升是兩碼子事。

5. 近兩年前寫了一篇文章《10 years challenge－耳熟能詳的好股》，後來香港發生了很多事，文中所提及的四支股票之中，看來港交所表現最好。

6. 幾個月前於「暴風中」的深思，見文章《「三隻腳」投資部署》，關於港交所這個大賭場的預期，看來開始實現中。

7. 最後，你有冇港交所？如果冇，你會否買入一些？分享下。

轉貼：【港股大時代】湯文亮去年買港交所 賺緊1億

source：hk.appledaily.com

更新時間 (HKT): 2015.04.13 06:00

紀惠集團行政總裁湯文亮接受本報訪問表示，去年年中一次物業投資者聚會撞到陸東，「個陣我話樓市唔跌，陸東就話跌5成呀嘛，咁佢就同我講，喂老湯送隻股票俾你考慮下。當時佢就話買港交所，話3年內睇500蚊，(當時陸東理據？）佢無理據㗎，佢話，總之你信我，3年內港交所升到500蚊，係咁多。我心諗3年內升到300蚊我都制啦，個時股價約140蚊。」

湯文亮指，經過自己研究，覺得港交所的情況，包括無隱藏債務，無突如其來的賠償金額，唔會唔派息，唔會供股，齋收息都有著數。唯一要個引擎撻著，就是成交過千億。

他稱：「就係咁，我將手頭上啲匯豐股票換哂做港交所，買入價由130幾蚊至140幾蚊，總共買入70萬股港交所…（現金銀碼以億元計？）係呀，當時價值近1億元㗎……（咁你家咪賺左1億元？）我唔係賺得好多啫，有人買得仲多過我，不過佢哋唔講。」

他坦言，未來兩日會沽走3分1，對於無貨係手的散戶，「你家追貨，份份鐘做人哋嘅點心呀！我自己都沽貨，我唔夠膽推薦。佢可以去到幾多呀，400蚊…500蚊呀…係，可能好多年之後啦，中間如果跌返220蚊…240蚊，咪唔見好多。記得08年海嘯，港交咪由250蚊跌穿100蚊，都係咁啦！」

記者:陳家雄