昂坪360之聖誕節目

近來天氣好，又唔太凍又唔太熱又有陽光，當然希望可以同包包出去玩吓行吓啦。

包包有次同我講佢想去坐有條繩吊住架車上到好高好高嗰種車，我一頭霧水後來發現佢係想坐纜車。

我隻手又痛咗咁耐，平時有只帶佢行街一，12月聖誕月咁就plan一齊帶佢去昂坪360啦。

原來小童搭昂坪360纜車12月有限定優惠，出示相關証件現場購票票價依家$50咋（普通車）$130 (水晶車)。

雖然我最後都選擇坐水晶車，因為我鍾意那種feel。

依家昂坪市集有個聖誕活動，喺有飄雪活動添呀！雖然飄雪唔係真係雪，但係小朋友見到好開心好開心，我見到包包玩得咁開心我自己都話開心埋一份。

最驚喜係原來而家只要消費某一個金額就可以玩溜冰同埋可以扮雪天使，包包嘗試着對溜冰鞋始終都佢太細只可以感受下但已經好開心啦！如果大個啲嘅小朋友或者大人就可以盡情玩啦玩啦。

係咪睇相都覺得好開心呢？

原來昂坪市集裏面係有得睇功夫表演，又有得睇5D電影。

如果你鍾意嘅仲可以好似我地咁搭車落大澳行下，不過喺大澳包包咁好掛住搭纜車，食咗大大粒魚旦就話要返昂坪繼續玩！

耐唔時去下啲靠近郊野嘅活動，小朋友都可以有多啲唔同體會。

詳情: https://bit.ly/2Plz4bF

#昂坪360 #飄雪聖誕 #本地小童搭纜車50蚊咋 #np360 #discoverlantau