「救我，救我...」有人在叫道。
珊老師在午餐後的南柯一夢，最後的畫面就是淒厲的呼求。醒來，隨著上課的時間已到，珊老師就怱怱忙忙地去課室授課了。
「唉……趕時間先檢查電梯。」珊老師喃喃自語。
一入教室，有些同學大喊「珊老師，課室好鬼臭呀。」「你地打完波，梗係臭啦。」
課堂在繼續，大家也相信臭味是來自一班波牛，不以為然的珊老師也努力在授課。
小休的時間，珊老師見到氣急敗壞的行政主任愛麗斯，在不停打電話，似乎在求救中。「真係好臭呀，你地快啲派人嚟睇下啦。」「冇噃，即刻未必有人嚟到呀。」
珊老師心想，幾個波牛竟然攪到大堂臭哂，不過都係快快去喝杯水、去一個方便再回去上課。但一時心急，珊老師把水杯打破了，水流到猶如小瀑布一樣，大叫愛麗斯找校役豪叔來清潔一下。
「豪叔，我地都打鑼搵佢呀，今日佢冇返工，又唔打返嚟請假。」愛麗斯怨歎。
一個忙碌的下午過去，珊老師就急急忙忙回家湊女。當然，同事們沒有告訴她豪叔家人回報自昨晚放工豪叔原來沒有回家。
在應付完晚餐、對完女兒的課業，正想改作業之際，發現作業原來遺在學校。心想，學校只是近在咫尺，不如回去一趟，便急急拿鎖匙，再望一眼門禁密碼，就回校取件。
「珊老師，那麼夜唷。」豪叔打招呼。
「豪叔，愛麗斯話您今日冇返工噃。」珊老師回應。
豪叔幽幽道「就係今日日頭冇開工，夜晚返嚟執好啲嘢，如果唔係我唔安樂。」
終於執好所有作業，本來想搵豪叔幫手鎖門，已經找不到豪叔了。
「嘩，咁快走了，仲想佢陪我行出校園的小路。」珊老師心想，但實在無辦法，惟有快快回家改作業，否則今晚可能要通宵了。
幸好，不需整夜工作，但入睡的時間已經極夜了，到翌日早上出門有點遲，返到學校，見到有警車、消防和非常多的記者。
「難道有學生打交引來咁多記者?」珊老師心想。「但冇理由打交有記者㗎。」
「想請問您係咪學校老師? 電梯槽發現嘅碎屍，你同佢識咗幾耐?」記者們在仆咪問珊老師。
珊老師大驚「唔通，豪叔真係死咗? 我尋晚咪撞..撞...鬼囉。」
在一輪跌跌撞撞下終於突破人群，一入校門第一面見到的竟然是豪叔。「唔係咁猛呀，日光日白，因父及子及聖神....」
「珊老師，冇嘢嘛?」豪叔關心道。「我都知你同愛麗斯好朋友，佢咁樣俾人殺左，仲分埋屍，比著我都嚇餐死。」
「吓，愛麗斯，愛...…麗斯...…死咗。」在暈倒前，珊老師失恐地呼喊。
「救我……救我」有人在叫道。
原來午休完了，校役豪叔在拍醒好夢正酣的愛麗斯，她要去教室幫忙看管著缺課了的珊老師之學生。
究竟誰是死者。
圖片: 網上圖片
