【甜品食譜】拉絲誘惑！拔絲蕃薯

據講北方人有喜事一定有拔絲蕃薯這道菜，我地南方有無喜事只要想食就會做這個點心。

材料簡單，只要蕃薯2隻，糖4大湯匙及油1大湯匙即可。

我揀了2隻不同顏色蕃薯咁樣好睇啲。

做法：

1. 蕃薯去皮切滾刀塊狀後放入滾水中煮5分鐘隔水盛出

2. 燒熱油，在中温油時放入蕃薯炸至油温升至大熱，蕃薯外皮亦開始變硬後隔油取出。

3. 在白鑊中放入油及糖拌勻後，開小火慢慢加熱至焦糖樣

(原本下的油原封不動留在鑊內，留意不要煮太久部份有焦黃色就拌勻即可使用，太乾不會拉出絲)

4. 把炸好蕃薯回鑊炒至蕃薯均勻沾上焦糖即可上碟，趁熱即可拉出絲