【食譜】孩子最愛！自家製麥麥雞（不需炸）

雖然包包唔係成日都可以食麥當當，有一次晌小朋友比佢試食一件後佢就覺得好似遇見女神一樣～

又唔知點解幾抗拒佢食麥樂雞，總覺得裡面太多化學成份。

於是繼上次整薯餅後就好想自製麥樂雞，但搵唔到我認為work的食譜。

直到早幾日晌個台灣網站見到一個像樣睇落又work食譜向我招手，咁無奶油唔試整架嘛。

佢其實個雞肉同我以前做雞肉漢堡差不多，但那個外皮先係重點。

所以話呢…人靠衣裝，麥樂雞靠炸漿，佢唔使炸係煎都有咁效果！

教我如何不整他....................

我仲整埋自己最鍾意蜜糖芥辣醬，哼。

就係鍾意呢張相：

（食譜改編自彤媽）

材料：

雞胸肉   2大塊

洋蔥    半個

蛋黃   一隻

鹽    1/4茶匙

胡椒    少許

片粟粉 /生粉     2茶匙

炸漿：

中筋麵粉    105g

芝士粉   15g

鹽   少許

水    60-80ml

做法：

將雞胸肉切粒，再剁成肉碎(我用手提攪拌器打爛)

加入洋蔥粒、蛋黃、鹽、胡椒、片粟粉或生粉，撈勻

順一方向攪至起膠

可以撻佢數十下等佢有彈性

炸漿材料撈勻，水份要逐少加，加到成杰漿便可以

每隻粉吸水都唔同，總之加到以下咁便可以

將雞肉做成一個個餅咁再沾上炸漿

只要煎便可以喇，煎到金黃色～

蜜糖芥辣醬

一湯匙黃色英式芥辣+一湯匙沙律醬+半湯匙蜜糖撈勻便完成！