成記嘅甜豉油豬扒飯聽人講左好耐,雖然住係附近,不過從無想過要黎食,哈~

第一它位於冬菇亭,夏天天氣熱時真係好辛苦,第二佢啲豬扒勁大又厚,全肉食真係太重口味,第三佢雖然話12點賣到3點,但聽人講2點已經賣完。

今日辦完事剛好12點15分路過,見到坐滿晒人,但仲有空位置,咁就坐低,不過新年期間亞姐話豬扒唔夠要雙拼先得,可以拼雞球、雞蛋、雞翼啊~見大家都是拼雞翼多咁我都一樣啦~不過亞姐話人手做要等20分鐘,今天唔趕時間就等吧。

豬扒好大塊有我塊面大,肉厚、腍滑、甜甜地,雞翼用瑞士汁者係我死穴,仲有我最鍾意的甜豉油配飯,今餐全部給我食清啊!起標啊~

配埋凍檸檬茶$44,價錢中等啦。


 【元朗】遠近馳名!成記豬扒飯