【裝修風水】7項要點！家居招財的風水佈局

家居風水由古至今都存在，雖然都係憑空嘅說法，但如果通過改變細節就可以增加家居財運風水，增加好嘅運勢，為何不妨一試？以下裝修佬同大家分享家居招財風水嘅相關知識。

丟棄佔用空間無用嘅物品 

積累無需要嘅用品，係破壞風水嘅第一因素。如果你無從入手，最好嘅起點就係由你嘅個人物品著手。騰出更多空間可招財納氣。 

具有吸引力嘅入口 

住宅入口必須具有吸引力，根據風水學，想要機會上門，就一定要有一個吸引人嘅入口。留意門口嘅每一個細節，外觀望落要舒適宜人，同時要有良好照明設備，最好可以擺置植物，創造良好嘅第一印象。 

顏色嘅重要性 

顏色亦係風水學非常重視嘅其中一個元素，正確用色可以有效帶來財富。選用顏色包括：紅色、紫色或綠色。可以應用到牆面、地毯或其他物品上。但切記所選擇嘅顏色，需符合你個人品味，因為好嘅能量唔單止源自於你所選擇嘅顏。倘若你唔鐘意某種顏色，勉強使用亦無法為你帶來積極能量。 

增加水元素 

水為財，水係風水學上代表著好運及財富，如果想要招引上門，建議增加水元素。可以運用噴泉或水瀑來裝飾，但切記要將設備安置妥當，倘若發生漏水，反而有可能導致漏財。另外裝置水景高度最好唔好高過你嘅鼻，同時唔好裝床頭位置。 

擺脫雜亂無章 

井井有條嘅居家環境能夠招來繁榮好運，擺脫雜亂無章就能夠釋放出正能量，同時促進好磁場，進而令你風生水起。要招來財富，首先就將家居整理得有條不紊！ 

整潔嘅廚房 

廚房係風水重地，保持烹飪空間整齊清潔，係招財嘅不二秘訣。除咗要令廚房每樣物品都乾淨整齊，擺放係適當位置上之外，仲要確保雪櫃儲藏物都新鮮可食，要經常檢查過期食物。 

關注細節 

要創造良好嘅風水，整齊嘅家居環境，充足嘅光源係家居風水必備。倘若住家顯得陰冷乏味，可以運用裝飾物來注入活力。相片及圖畫可以帶來良好嘅視覺觀感。此外，亦可養植茂盛植物，紅花綠葉可以為你招財進寶。 

(文：巨龍)

(以上圖片均來自網路，如有任何版權問題，請與本站聯絡)