【食譜】3天發酵～自製萬用剁椒醬！

近年我迷上辣味，但唔係那種什麼都要加辣，或者將碗魚蛋粉狂加辣油那種辣。

而係要有層次有香味，例如麻辣，那種麻香辣味，或者印度咖哩、青咖哩有層次的辣，仲有就係剁椒魚頭那種辣味。

一直都想整剁椒醬但又的唔起心肝，終於忍唔住爆發去整原因係……我根本唔食魚頭。

但自己整剁椒醬的話就可以蒸雞蒸魚蒸寫字樓～

咁就令我去整，那個剁椒醬材料簡單但要發酵最少三日，呢三日就好似十月懷胎一樣的心情。

材料：

辣椒   250g

蒜頭   5粒

鹽   1湯匙

糖   1茶匙

米酒   2茶匙

做法：

1. 將辣椒洗淨索乾水，要完全乾

2. 將辣椒切粒然後剁（其實可以用攪拌機但做出來香味會爭啲，而且會大量出水，所以就要剁 ）

3. 蒜頭切碎

4. 剁好後加蒜頭、鹽、糖、酒撈勻

5. 放入一個玻璃樽內，蓋一塊牛油紙扭實個樽蓋放晌室溫地方發酵三日

6. 發酵完成後就可以放入雪櫃，而發酵好辣椒香味同生辣椒不同的

*佢成個阿拉伯猶長咁樣，所以我叫佢阿里爸爸

如果蒸魚就放上魚上蒸，蒸好後加少少豉油非常好味。

如果蒸雞，雞略醃再放一pat剁椒醬落去蒸便完成！