【遊記】day3 @Osaka (祌。神戶)

幾年前去神戶，我同大少爺都好鍾意個岸邊，當時仲有個遊樂場，影相影足一日就走。

估唔到再來神戶係帶住個臭包，而目的變成麵包超人館。

去得神戶一定要食神戶牛，今次食呢間，其實我求其上網搵，要近、方便搵到，因為我一寸光陰一寸金。

http://www.kobe-ishidaya.com/shop_steakhonten.html

揀呢個A4神戶牛肉，其實唔貴，yen 6000幾，但呢度無兒童餐、又無 烏冬同麵食只可以 share個餐比包包食。

前菜個沙律幾好食啊。

師父開始燒，我同大少爺 order兩個同一款餐，足夠分比包包。

嬲死我，點解我會out focus。

師父好貼心地將牛肉切細啲同熟啲比個臭包。

我額外加錢轉做炒飯。

終於有凍檸檬茶飲。

之後搭的士去麵包超人館，好鍾意神戶風景。

但都幾失望，呢個場館比九州個相差都幾遠，好細同埋設施無咁多。

呢個只係呃like之作，唔好食的。

包包玩個幾鐘後就悶，我索性帶佢去玩見反斗城睇玩具。

比我買到呢個單車頭盔喇！可以帶佢踩單車喇~之後就行商場求其食晚餐。

包包算乖，佢從來唔扭買玩具，即使想要個Tomica油站好耐。

我話聽日先買佢都乖乖唔扭，好多家長會怕帶小朋友睇玩具怕扭計。

其實自細要帶佢去多啲睇多啲等佢明白…喜歡的不代表佔有。