有人的地方就有比較、有私利、有爭奪，上自社會、政府、跨國巨企，下自小公司、小組織、小家族與小家庭，都一樣會有，無可避免，也避無可避。
有朋友初時參加某社團活動，好投入，用好多時間做PR、做聯絡、做公職，buildup野，點知到最後，卻因為風頭太盛有人妒嫉，遭人暗算和打壓，無奈要離開。前幾日，同佢電話吹了兩句水，知道他在另外一個組織的平台，發揮得更好，甚至由副主席升到做主席，為期兩年，聽佢語氣，好似好開心咁；不過，講起之前個組織與人不和而敗走果時，都feel到仲係juno名曲，耿耿於懷呀！
我有時都唔明，去咩會，做咩公職，講心同實力之餘，都需要講運講錢講條氣，唔係話你想、強求就一定做到。如果你淨係想識人的話，其實去BNI食早餐、JCI活動、Rotary、Lionclub、FHKI、HKGCC等任何組織、社團、商會都得，又或者去meetup群搞的party或alumni association都okay呀，只要你肯去就得嫁啦。
個問題係，點解去去吓，你硬係要做莊，做理事又出曬名，又要捐錢又要幫手動員人仲要被人動員返轉頭添呀(咁當然係irregular based啦，如果唔係連飯都無得開呀)，吃力不討好之餘，個會又唔會比reward你，到頭來，都唔知點解會繼續做落去。
學野？平日未學夠呀？識人？仲係未識夠呀？想出名？轟轟烈烈做出一件大事咪得囉！做有意義的事？貢獻社會？咁老老實實話時話你報足稅交足稅未呀？
虛名心、為啖氣、生活空虛，解釋左點解咁多人咁鍾意玩會、做會務。貼錢買難受，其實最好就可免則免罷啦。不過，唔做唔做還需做，最大機會係，還債！因為當年大佬幫你唔少，介紹唔少生意比你呀，宜家叫你出席吓早餐會支持吓、做吓會務咁，咪當報恩、還債，縱使萬般不願，都要把這個人情做好吧！
