【食譜】自家製麻辣醬汁！皮蛋豆腐

呢幾日好忙，在公在私都係忙，仲要處理某些事聯絡律師傾下野等等等等，仲要預備一長一短 trip，其實真係一頭煙。

話明今星期要將健康食物變得無咁健康，豆腐走唔甩。

好想食皮蛋豆腐配我自家製醬汁，食完大滿意。

唯一係……我只叫人匆匆去超市買盒裝皮蛋，隻皮蛋唔靚……so sad。

話明祕製醬汁，我唔會話比你知點整！

呢得醬汁又兩種麻味，就係……麻辣同芝麻囉。

個汁可以配冷麵及雞絲粉皮的。

材料：

盒裝豆腐   1件

皮蛋   1隻

醬汁：

魚露   2茶匙

白醋   1湯匙

糖  2茶匙

熱水   2滑匙

中式芝麻醬   1湯匙

花椒粒   1茶匙

辣椒   隨意

麻油   少許

做法：

1. 將花椒磨碎

2. 將魚露、白醋、糖、熱水、中式芝麻醬撈勻

3. 加入花椒碎及辣椒撈勻，最後加少許麻油就可以淋上皮蛋豆腐上

4. 加上芫茜、蔥就更好呢