【銅鑼灣】假期聚餐之選！怡東軒

假期繼續開心，最開心係大少爺，佢食到好滿意中菜，包包食到好味點心又有得去玩。

好重視假期帶包包去玩，童年要開開心心過，或者我係過來人，一個人童年唔開心等同毀了大半生，有能力去做嘅就係帶佢去玩，去食好味東西！

佢快樂我就快樂，今日去怡東軒，好多食友都係黃永強師傅嘅棒場客，今次連大少爺都被俘虜了。

昨日原本訂唔到位要stand by，最後都有位。

香煎野菌包，近年好多冬菇造型包包出現，多數都係蒸包煎嘅就唔多，成個造型都夠吸睛。

裡面係野菌餡，麵包鬆軟餡夠惹味。

金魚餅配鮑魚燒賣，有兩款，一款係黑松露素餃，一款係蝦餃。

又靚又好味。

芋角，呢個芋角不得了，佢好好食，香脆而不膩，大少爺忍唔住叫多碟。

懷舊灌湯餃，裡面有熱湯帶子又皮薄。

包包同大少爺最喜歡叉燒同燒腩，個叉燒juicy得來甜味十足。

川味酸辣魚，其實係水煮魚。

魚滑麻香十足，其實佢唔辣但就好夠麻，我好鍾意但大少爺試一啖都話唔得，哈。

甜品拼盤，好感謝黃師傅為我們預備。

話梅柑桔糕，呢個好好食，我都要試下用話梅做甜品。

薑汁奶凍。

黑白芝麻卷，呢個每一層都唔會過厚，彈性又十足。

臭包獨享芒果布丁，啖啖芒果，個臭豬食晒呢。

食完帶佢去公園，包包 3歲後唔會再比佢正面出鏡，要留點私隱比佢。