【食譜】韓式風味！韓燒豬肉、海帶豆腐湯

一個韓燒豬肉加一大pat泡菜就係好味。

昨晚除了個水蒸蛋外，仲有主菜韓燒豬肉同海帶豆腐湯。

相信好多人同我一樣覺得韓式醃味好好食，我唔係指一大pat醬撈完，樣樣食物一樣味果種醃法，反而係比較正帶甜醃法。

我見到一個台灣食譜作者miss rose教整，於是又照跟。

唔係個個話自己寫食譜嘅人都會令我照跟住做，呢個食譜望落係唔錯。

主要用醬油、梨、糖漿去醃，exactly就係那種味道，而且用梨去醃肉，令肉天然鬆軟好好食啊，醃來做BBQ實得！

昨晚食呢個韓燒豬肉、水蒸蛋同海帶湯，又一餐。

煮飯比家人食係一項樂趣，睇住家人開心食更大樂趣，包包近來學用筷子見到佢係咁夾係咁夾真開心呢。

海帶豆腐湯，每次我去食韓國菜對呢碗清湯特別有好感。

食譜：

豬扒     4件

(可以換成雞、牛、五花腩肉)

梨    1/2個

蒜頭   4粒

醬油(或生抽)   3湯匙

糖漿(或燒烤蜜糖)    1/2湯匙

糖    1茶匙

麻油   適量

做法：

１個梨係重點，去皮切一半

２將個梨磨成蓉

３蒜頭磨蓉、加入梨蓉、醬油、糖漿、糖撈勻

４將豬扒剁鬆切件，放入醬汁內醃4個小時或以上

我用Grill pan去燒，大家可以煎，下次換成牛肉，大家一定要試呢。

海帶豆腐湯

大家可以去買韓國海帶，將佢浸軟。

份量少呢度一半，因為呢度浸開原來好多。

我好認真買韓國豆腐。

海帶、大蔥、豆腐滾佢45分鐘，可以加牛肉去滾，海帶對皮膚好好既呢～