大陸搶機團殺入銀座搶iPhone 日本Apple出狠招

iPhone新機人人爭，不過依家唔知係咪香港已經難咗買機、再加上所以一班水貨客，眼見iPhone 6/6 Plus，日本版4G同港版一模一樣（即係大陸都用到）。所以今年決定加重火力，向未需要搞網上登記買機嘅日本Apple Store埋手，早係星期三晚就開始，就來個中國特色排隊（即係一個人排幾個位、嘈到拆天）。而日本Apple Store方面，可能就未見過咁樣排法，所以除咗臨時加入用証件登記之外，要搵來警察維持秩序。

不過由於後來見到情況開始混亂，日本警方最後以「再不散去，就以輕犯罪法十三、十四條治罪」，最後一眾排隊黨聽到，立刻雞飛狗走，野都執唔切，仲要有人食埋水貨佬夾棍、乘混亂收咗錢後就槍都帶埋走。

不過點解一條輕犯罪法（軽犯罪法十三、十四条），就可以嚇到一向聲大夾惡加無品嘅水貨軍團雞飛狗走？原來日本輕犯罪法，本意係用作處理一啲輕微事件。而當中十三、十四兩條，就分別指「十三：在公共場所插隊者」及「十四：製造噪音妨礙近鄰安寧且不接受公務員制止者」。而以富有中國特色嘅排隊方式來講，唔犯晒呢兩樣先奇。

而由於只要一經定罪，以在日華人為主嘅排隊黨，就會因此而影響到日後居留權。見到玩到咁大，重點會為班龍頭個小小錢，連居留權都唔要？