相信每位單身嘅朋友都一定會問過自己點解無拖拍，諗完一大輪可能都未知自己做錯咗啲乜，然後繼續一次又一次撞板食檸檬。
凡事總有原因，與其怨個天，不如睇吓自己有無犯咗以下10大問題啦！
1. 約會時表現孤寒
雖然唔係話咩都向錢看，但如果係你主動約人出嚟睇戲、食飯的話，主動幫對方畀錢某程度上係一種風度嚟㗎，識做嘅女仔都會話不如AA制，不妨觀察一下。但千奇唔好咩都度住度住，畀人覺得你孤寒無風度啊！
2. 成日想翻兜前度
如果前度曾經玩弄你嘅感情，或者拍落拖先顯露佢真正嘅壞本性，你分手嘅決定係無錯㗎！唔好成日望返轉頭，因為過去咗嘅已經過去咗，就算喺返埋一齊都唔代表對方會改過，你哋兩個會幸福一世。
3. 飲醉酒嗰陣打電話揾前度
如果你清醒嘅時候唔會咁做，飲醉酒嗰陣就更加唔可以做。如果無信心控制自己就索性唔好飲酒，唔好令自己失儀啊！
4. 自認為自己唔係八婆
咁樣諗嘅時候首先要好好反省自己嘅行為係咪真係唔屬於八婆，因為好多時人都係習慣直接忽略自己醜陋嘅一面。
5. 唔夠堅持己見
只要自己覺得啱嘅嘢，就好應該堅持到底，即使被人批評都唔好動搖，咁先可以比到伴侶信心。
6. 對自己唔夠真誠
無人可以夾硬改變你，你亦唔應該為咗邊個而勉強自己，記住堅持你認為適合自己嘅個性，咁先可以揾到真正屬於你嘅Mr./Miss Right！
7. 你會喺網絡上偷偷哋stalk人
總係有人好奇心特別旺盛，或者係超級控制狂，會喺facebook、instagram度睇晒對方嘅posts，但如果你睇緊嗰陣一個唔小心禁咗like……你就已經暴露咗你stalker嘅身份喇！
8. 同一個無真正投入感情嘅人一齊
如果你同一個人拍拖，你要感受吓佢哋究竟對你係咪認真，有無努力想經營呢段感情。如果無嘅話，你繼續同佢哋一齊都無意思。
9. 好介意出街拍拖嘅使費
如果你係咁介意銀行戶口銀碼嘅上落，咁你真係唔適合拍拖。因為拍拖之後生活上嘅使費一定會大咗，與其不斷計住度住同埋怨，不如繼續保持單身啦！
10. 太衝動開始一段感情
絕對唔好畀激情沖昏頭腦，衝動地開始一段感情，開始前要深思熟慮對方係咪適合自己、兩個人一齊夾唔夾等，最重要係要好好觀察佢嘅性格。唔好人哋向你表達少少好感就即刻覺得對方係你一世嘅伴侶！
（圖片來源： Huffington Post 、tumblr）
