早前好忙,所以無寫一排。宜家手痕,所以想寫寫、過吓癮。

現今很多朋友,積極參與好多大班人的Speed date、meetup活動,甚至幾果對幾果的單獨配對飯局;其實,大部份都是想找一個能依靠的人,少部份是想找個人kill time、更少撮的是想找個水泡——點知最後自己變咗水魚。

有朋友試過,在活動中認識了無數個男士,但總是拍不了拖。她說,有正常工作返工放工生活有規有矩的,太悶無話題無激情。藝術家脾氣的,雖然人浪漫又有新鮮感,但總覺得花心唔夠安全感。姑且開始了約會之後,比個機會吓人啦,又覺得咩咩咩,又話咁咁咁,總之,拍拖之前已經有十九幾萬個諗法,約會果陣又負面都痺,姿態上已經令人卻步,對方當然早走早著啦。其實,去得Speed date都已經幾直接啦,係就係,唔係就唔係,有咩需要negotiate、due diligence得咁清楚呢?

有些公司,開始做R&D,請人埋班攞budget,一做就做幾季、甚至幾年,又做市場調查、focus group一大堆工作,到頭來滿心歡喜,覺得自己做的項目、產品天下無敵,個市場一定會迎合自己。到正式推出個陣時,點知比人捷足先登,價錢平一半,功能差少少,又有咩所謂呀?消費者,總是現實的。大敗,所以。我個朋友,參加活動一大堆,到頭來滿心歡喜,覺得自己一定會受市場歡迎……點知,她遇到的競爭者,年齡小一半,內涵差少少,又有咩所謂呀?男人,總是現實的。

渠道無問題,品質也沒有問題,只是timing問題。所以,如果連這個問題Speed dating公司也能解決的話,那真是太不可思議了!