好多怕醜嘅女仔為咗避免尷尬，親熱前都希望先熄燈，免得俾男朋友見到自己享受嘅表情或者係身上的瑕疵，例如係肚腩嘅「摺摺」同身上嘅毛毛。以為熄咗燈對方就咩都唔知？其實有4個你平時可能無留意嘅細節上，對方已經睇穿你嘅心思喇！
1. 事前準備嘅工夫
其實女仔都有主動想要親熱嘅時候，但就因為想保留返啲矜持，通常都唔會講出口。所以有時候當你刻意著起性感睡衣、噴上香水，或者特登剃乾淨身上嘅毛髮，其實都反映住你想「曳曳」嘅慾望！
2. 迎合男方嘅肢體動作
雖然女仔把口好多時都會話「要瞓覺喇」、「邊想要喎」，但男朋友心裡面都明白呢啲係假話！所謂「口裡說不，身體很誠實」，呢個時候男仔可能就會專登觸碰你嘅敏感地帶，或者係幫你按摩一下，當你嘅身體不自覺咁迎合對方嘅動作，就代表佢嘅猜測一啲都無錯喇！
3. 迷濛嘅眼神
其實當你投入咗親熱嘅情緒之後，你會不經意流露出迷濛、誘人嘅眼神，其實唔使怕醜，因為你享受嘅眼神同表情會令男方更加興奮，想帶畀你更大嘅滿足感！
4. 急促嘅呼吸聲
急促嘅呼吸聲係女仔享受性愛其中一個最好嘅反應！當男友探索妳嘅身體，令你覺得舒服兼且充滿快感，你嘅呼吸就會不自覺地加速，亦會發出享受嘅叫聲，咁就算你唔講，呢啲反應都將你心中嘅慾望表露無遺啦！
睇完以上四點，有無發現自己根本就掩飾唔到對性愛嘅慾望呢？事實上，無論男女都好，對性有需要係好正常嘅，下次想要嘅時候，不妨大膽講出嚟，男生亦會因此覺得你滿意同佢嘅性生活，對自己更有自信，咁下次嘅表現自然就更好啦！
（圖片來源：tumblr）
