【食譜】京都骨：甜甜酸酸好開胃！

兩部電腦一齊壞，係無預備的情況下，一片兵慌馬亂，好在現在商業是有錢好辦事！同電腦店老板一拍板，3個小時後已經有部新機了，老板把兩部機資料都炒過新機到，諗點都要點時間返屋企煮飯先，誰知轉個身收到電話話可以拎機走！

睇黎我唔係現代人，我啲動作好慢，要提下速先得了～

京都骨甜甜酸酸很開胃，本來用排骨，但！骨多過用，所以我改用豬扒，因為我鍾意啖啖肉，配上這個汁，大人小孩都鍾意。

材料：

有骨豬扖1磅，洋蔥一個，蒜茸1湯匙

醃料：

醬油1湯匙，老油半茶匙，糖半茶匙，生粉1茶匙，紹酒1茶匙，蛋半隻，麻油少許

汁料：

茄汁4湯匙，片糖半片，水4湯匙，檸檬汁2湯匙

做法：

1. 豬扒洗淨，斬細，用醃料醃約1個小時。

2. 用水先把片糖溶解，調好汁料待用。

3. 燒熱鑊，下2大湯匙油、豬扒，煎至兩面金黃色香熟透後，盛起。

4. 原鍋下洋蔥、蒜茸爆香，把汁料煮滾後，豬扒回鍋，轉中小火燜一會，至汁略收乾，即可上碟。