【食譜】羽衣甘藍脆片：健康可口易整 不用在外買紫菜

近來成日見到羽衣甘藍呢種菜蔬，早幾日同朋友gathering就打算用佢配藜麥整沙律。

但買兩小棵都感覺好多，咁就用一棵去整脆片(我買時個店員教的)。

做出來好好食，做沙律你會發覺個羽衣甘藍好多纖維味，道帶微微甘味，但都接受得到，做脆片後呢就似紫菜。

我就用呢個比包包食，佢居然肯食仲想食完又食，對於一個見到綠色都唔食既佢來講簡直係奇蹟！

而朋友們都覺得好好食，我打算今日出開去會再買，因為大少爺都好鍾意食又做法簡單，係一個好好既小食。

焗完個感覺似燈影牛肉，一定要舉高影張～

做法：

1. 佢兩小棵就有無窮無盡既葉，將葉摘落嚟沖洗下。再用廚房紙抹乾水。

2. 加少許橄欖油及少許鹽撈勻每一塊菜

3. 用130度焗爐焗佢20-30分鐘，期間要望下佢睇下佢焗乾未，因為每個焗爐都唔同火力

4. 焗好後放涼就入密實瓶或者密實袋