咖哩唔係分紅、黃、綠、白四種架咋咩？點解會無端端出現左黑咖哩咁騎呢嘅味道架？同埋究竟個構思係邊個諗出嚟架呢？原來呢一款日本最新即將推出嘅黑咖哩係同《名偵探柯南》嘅角色有所關連，係佢地聯乘食品公司最新推出嘅一款產品。
▼ 根據日本網站描述，呢款名為「犯人的黑咖哩」（犯人の黒カレー）嘅即食咖哩包，裡面係含有豬肉以及辛辣嘅黑胡椒，售價為648円。
▼ 雖然呢一款嘅即食咖哩包要去到今年10月先至正式發售，但其實喺日本當地嘅《名偵探柯南》展覽裡面，就曾經出現過相同嘅菜式，相信到大家自己動手製作嘅時候，效果應該都會差唔多。
▼ 「犯人的黑咖哩」真係一如名字所描述一樣，完全是漆黑一片架！食完咪會好容易變成污糟貓？！
▼ 唔知道食左黑衣人嘅感覺會係點嘅呢....
▼ 而且其實除左黑咖哩之外，同一個系列亦都即將推出怪盜基德的華麗轉身白咖哩！售價同推出時間都同黑咖哩一樣。
▼另外同樣都曾經喺柯南展覽出現過架！
▼ 假如您地係柯南粉絲而且又超喜歡食咖哩的話，真係一定要入手預購呀！
來源：nijimen, Twitter
