闖星洲不知寨卡嚴峻 李施嬅晒腿急防蚊

新加坡爆發寨卡病毒疫情，最新確診個案超過110宗，不過日前李施嬅與「牙佬」袁偉豪、Jason陳智燊、吳啟華與滕麗名，齊齊飛抵新加坡，為《星和無綫電視大獎》宣傳之餘，還到當地出席高爾夫球慈善活動，面對新加坡的寨卡疫情，袁偉豪與Jason有備而來，全程穿上長褲防蚊，相反李施嬅卻懵然不知，還以多套短褲裝束上陣，施嬅說：「我都唔知新加坡出現寨卡疫情，直至去到機場上機一刻，姚子羚send短訊給我，我先知到當地情況咁嚴重！」施嬅自言對防患毫無準備，幸好同行工作人員早早花近千元購買蚊貼及蚊怕水供大家享用。

 施嬅過去曾多次到訪新加坡，但今次可算是最為「驚險」的一次，時時刻刻都要防蚊，「其實都有點擔心，因為出席慈善高爾夫球活動當日，好多草叢，而且活動前剛下雨，所以大家都好擔心、不停互相噴蚊怕水、貼蚊貼，每人都貼成十幾廿個蚊貼在身，我掛住噴蚊怕水，連防曬都忘記搽，幸好總算力保不失，沒有被蚊叮。」

 縱然要對面疫情，但今次新加坡之行還是滿載笑聲，施嬅與袁偉豪本身是好友，再加上Jason經常搞笑，令整個行程相當愉快，施嬅透露最好笑是三人在車上唱歌，十足十大細路一樣。

此外，對於好姊妹胡定欣與袁偉豪主演的《城寨英雄》收視爆紅，施嬅都戥對方高興，她表示見定欣打得有型，自己亦想試試做「打女」的滋味，「初入行拍古裝打過一次，但之後都未試過，好想試試拍槍戰同打嘅角色。」